გუშინ გამართული ჩემპიონთა ლიგის კენჭისყრის შემდეგ ინგლისის ჩემპიონებს მეტოქეებად ერგო რუსული”ცსკა”,თურქული “ბეშიქთაში”და გერმანიის ჩემპიონი “ვოლფსბურგი”.მანჩესტერ იუნაიტედის მწვრთნელი სერ ალექს ფერგიუსონი აღელვებულია ჯგუფური ეტაპის კალენდარის გამო,რადგან გასვლითი თამაშების შემდეგ მანჩესტერს უწევს ურთულესი თამაშები პრემიერლიგის რანგით.თურქეთში ბეშიქთაშთან თამაშის შემდეგ მანჩესტერს უწევს თანაქალაქელ სიტისთან ურთულესი დაპირისპირება,რომელიც წელს განსაკუთრებულად მნიშვნელოვანი იქნება ქალაქელთა მოზღვავებული ამბიციების გამო,ხოლო რუსეთში გასვლითი თამაშის შემდეგ მანიუს ლივერპულში მოუწევს თამაში რაფა ბენიტესის კრებულთან.”ჩვენ მოგვიწევს ძალიან რთული თამაშები განსაკუთრებით რუსეთში და თურქეთში.”ცსკა” ჩამოყალიბდა ძალიან ძლიერ კოლექტივად უკანასკნელი წლების განმავლობაში,ხოლო თურქეთში თამაში როგორც წესი ძალიან რთულია,ჩვენ ასევე ვიცით ის დონე რომელსაც მიაღწია გერმანიის ჩემპიონმა “ვოლფსბურგმა” უკანასკნელი ერთი წლის განმავლობაში”-განაცხადა სერ ალექს ფერგიუსონმა