ინგლისის ეროვნული ნაკრებისა და ლონდონის "ჩელსის" მცველმა ეშლი კოულმა, საკუთარ კლუბთან ახალი ხელშეკრულება გააფორმა.

ჰოლანდიელი მცველი ჯონ ჰეიტინგა ინგლისური "ევერტონის" ღირსებას დაიცავს. ლივერპულელებს მადრიდის "ატლეტიკოსგან" 25 წლის უკანახაზელის შეძენა 6.2 მილიონი გირვანქა დაუჯდათ, თვითონ ფეხბურთელთან კი 4-წლიანი კონტრაქტი გააფორმეს.

წინა ზაფხულის ბოლოს, “ტოტენჰემიდან” “მანჩესტერ იუნაიტედში” 31 მილიონი გირვანქას სანაცვლოდ გადასულმა დიმიტარ ბერბატოვმა, მასზე დაკისრებული იმედები ბოლომდე ვერ გაამართლა და განვლილი ჩემპიონატის 31 შეხვედრაში მხოლო 9 გოლის გატანა მოახერხა. ბულგარელი ფეხბურთელი თავის გამოჩენას ვერც პრემიერლიგის მიმდინარე გათამაშების საწყის ორ ტურში ახერხებდა, მაგრამ მესამე ტურში, “უიგანის” კარში გატანილი ეფექტური გოლით განწყობა გაიუმჯობესა.

ხორვატიის ნაკრების 25 წლის ნახევარმცველი ნიკო კრანჩარი, რომელმაც მიმდინარე სეზონი პრემიერლიგის აუტსაიდერ "პორტსმუთის" შემადგენლობაში დაიწყო, კარიერას "ტოტენჰემში" გააგრძელებს. მხარეებმა უკვე მოაგვარეს ყველა ფორმალობა და კონტრაქტიც ოფიციალურად გააფორმეს.