ამერიკული “ლოს ანჯელეს გელექსის” ნახევარმცველი, დევიდ ბექჰემი მიიჩნევს, რომ ინგლისის ნაკრებში, მთავარ მწვრთნელად იტალიელი ფაბიო კაპელოს დანიშვნის შემდეგ, პოზიტიური ცვლილებები შეინიშნება.
“კაპელომ მოთამაშეთა მენტალიტეტი შეცვალა. მატჩებისთვის მზადების პროცესში ისინი უფრო სერიოზული და კონცენტრირებული გახდნენ. ჩვენ ერთიან გუნდად ვიქეცით. თვით იმ შემთხვევაშიც კი, როდესაც შესვენებაზე ჩვენთვის სასარგებლო ანგარიშია, ამ განსაკუთრებულ ატმოსფეროს მაინც შევიგრძნობთ. მწვრთნელმა ფეხბურთელებს საკუთარი თავისადმი რწმენა გაუძლიერა. დარწმუნებული ვარ, მსოფლიოს ჩემპიონატის მოგება შეგვიძლია, თუ იმავე მანერით და ერთსულოვნებით თამაშს გავაგრძელებთ, როგორც ამჟამად. რა თქმა უნდა, გამარჯვებისთვის იღბალიც საჭიროა, მაგრამ ჩვენ მაღალი კლასის მოთამაშეები და კარგი გუნდი გვყავს”, - განაცხადა ინგლისელმა ვარსკვლავმა, რომლის კომენტარიც Daily Mail-მა გაავრცელა.
|