რაფაელ ბენიტესმა ვრცელი ინტერვიუ მისცა დღევანდელი მატჩის შემდეგ, რომელიც მერსისაიდელების გამარჯვებით, 3:2 დასრულდა.
ამ თამაშში პირველი გოლი ელ ნინიომ გაიტანა და მანვე დასვა წერტილი 75-ე წუთზე, როდესაც დუბლი შეასრულა.
"გასულ კვირას მას ვერ გაჰქონდა გოლები, რის გამოც ბევრი კრიტიკა გაისმა მისი მისამართით. ამ საღამოს მან ორი შესანიშნავი გოლი გაიტანა, რის გამოც მე მართლაც კმაყოფილი ვარ".
"მე კმაყოფილი დავრჩი მისი თამაშით "დებრეცენის" წინააღმდეგაც. მან ვერ გაიტანა, მაგრამ შექმნა უამრავი მომენტი თავისთვის და თავისი გუნდელებისთვის".
"მან დღევანდელ თამაშში ორი შესანიშნავი და განსხვავებული გოლი გაიტანა. მაგრამ მასში უფრო მეტი იმალება, რასაც იგი აუცილებლად გამოავლენს ნელ-ნელა".
"ასევე აღსანიშნავია დირკ კუიტისა და რაიან ბაბელის თამაში. ეს უკანასკნელი შესანიშნავად ჩაერთო თამაშში".
კითხვაზე, არის თუ არა ტორესი პრემიერ-ლიგაში საუკეთესო თავდამსხმელი, რაფამ უპასუხა:
"თუ ასე თამაშს გააგრძელებს, ის აუცილებლად გახდება საუკეთესო. ამჟამად იგი ერთ-ერთი საუკეთესოა".
წითლები ამ თამაში თავდაპირველად ორჯერ იგებდნენ, მაგრამ დიამანტესა და კოულის გოლების წყალობით, მასპინძლებმა აღადგინეს წონასწორობა.
"ეს ძალზედ დასანანი მომენტები იყო, რადგანაც ორივე გოლი ინდივიდუალური შეცდომების ხარჯზე გავუშვით. საერთო ჯამში თუ გავაანალიზებთ, დაცვას ცუდად არდ უთამაშაშია, მაგრამ ყველაფერი უბრალო შეცდომებმა განაპირობა".
ამ გამარჯვებით წითლებმა მესამე საფეხურზე აინაცვლეს და ჩელსის ქვემოთ განთავსდნენ. პრემიერ-ლიგის ლიდერებს კი შესანიშნავი "შანსი" ეძლევათ დაკარგოონ ქულები ერთმანეთთან ჭიდილში, რაც მხოლოდ "წითლების" სასიკეთოთ მოქმედებს.
კითხვაზე, აპირებდა თუ არა კვირას გასამართი 2 დერბის თვალყურის დევნებას, ბენიტესმა უპასუხა:
"მე მხოლოდ ჩემ გუნდზე ვარ კონცენტრირებული. მე არ შემიძლია სხვა თამაშების ბედის შეცვლა, ასე რომ აჯობებს ჩემს საქმეს მივხედო" - განაცხადა ესპანელმა სპეციალისტმა მატჩის შემდგომ პრეს-კონფერენციაზე.
|