ფრანგული ”ჰავრის” პრეზიდენტმა ჟან-პიერ ლიუველმა დაადასტურა, რომ ფიფაში ”მანჩესტერ იუნაიტედის” წინააღმდეგ სარჩელი შეიტანა, რომელშიც ის ინგლისურ კლუბს ახალგაზრდა პოლ პორბის ტრანსფერის გამო უჩივის.

შეგახსენებთ, რომ რამდენიმე დღის წინ ფიფამ დაახლოებით ანალოგიური მიზეზით ლონდონის ”ჩელსის” ერთი წლის ვადით სატრანსფერო საქმიანობა აუკრძალა, ”ჰავრიც” სწორედ ამ პრეცედენტს ეყრდნობა და მეორე ინგლისური კლუბის დასჯაც სურს.

”ეს ტრანსფერი საფრანგეთის ფეხბურთის ფედერაციასთან არ შეთანხმებულა, ჩვენი კანონებით 15 წლის ფეხბურთლემა პირველი კონტრაქტი ფრანგულ გუნდთან უნდა გააფორმოს, მაგრამ ”მანჩესტერმა” ამ წესს ყურადღება არ მიაქცია და პორბის მშობლებს მისი ინგლისში გადასვლის სანაცვლოდ ასტრონომიული თანხა შესთავაზა. ვიმედოვნებთ, ფიფა გაერკვევა საქმის ვითარებაში და დამნაშავე დაისჯება”, - ნათქვამია ლიუველის განცხადებაში.