“ჩელსის” აღმასრულებელი დირექტორი პიტერ კენიონი, მიმდინარე წლის ოქტომბერში თანამდებობას დატოვებს.
ამის შესახებ ინფორმაცია ინგლისური კლუბის ოფიციალურმა ვებ-გვერდმა დაადასტურა. თუმცა, 55 წლის კენიონი, რომელსაც “მანჩესტერ იუნაიტედშიც” უმუშავია, ლონდონურ კლუბში კი 5 წელი მოღვაწეობდა, “არისტოკრატებს” უეფას სხვადასხვა ღონისძიებებში და ევროპის კლუბების ასოციაციაში წარადგენს. “ვამაყობ ჩელსიში” მოღვაწეობითა და კლუბში ჩამოყალიბებული მეგობრული ურთიერთობით. 15 წელია ფეხბურთში დასაქმებული ვარ და მინდა ვთქვა, რომ ლონდონში მუშაობა ჩემი კარიერის ერთ-ერთი საუკეთესო ფურცელია. “ჩელსიში” მისვლა ჩემთვის დიდი გამოწვევა იყო. ყველამ ერთად –ადმინისტრაციულმა და სამწვრთნელო შტაბმა, ფეხბურთელებმა, ხელმძღვანელობამ და რომან აბრამოვიჩმა, მოკლე პერიოდში ისეთი კლუბი შევქმენით, რომელიც ევროპული ფეხბურთის ლიდერებში მრავალი წლის განმავლობაში იქნება. ეს მთავარი მიღწევაა” – განაცხადა კენიონმა.
|