ინგლისური “მანჩესტერ სიტის” ფორვარდი, რობინიო არ მალავს, რომ ესპანური “ბარსელონას” მიერ მისდამი გამოჩენილი ინტერესი დიდ სიამოვნებას ანიჭებს.
Sky Sports-ის მიერ გავრცელებული ცნობის თანახმად, კატალონიელთა მხრიდან წინადადების მიღების შემთხვევაში, ბრაზილიელ თავდამსხმელს უარის თქმა გაუჭირდება. “ასე იოლი არ არის “ბარსელონასთვის” უარის თქმა. კატალონიელები ევროპაში საუკეთესონი არიან. ბარსელონა ძალიან ლამაზი ქალაქია და გარდა ამისა, ესპანეთი ძალიან მიყვარს. ყოველთვის მსურდა ისეთ კლუბში თამაში, როგორიცაა “ბარსა”. ეს დიდი გუნდია და ნებისმიერი ფეხბურთელი ბედნიერი იქნებოდა, თუ მის მიმართ ინტერესს “ბარსა” გამოიჩენდა. მეც ძალიან მიხარია, კატალონიელთა ყურადღების ცენტრში რომ მოვექეცი. ვინ იტყოდა უარს ხავის, ინიესტას, მესის, იბრაჰიმოვიჩის და დანარჩენთა გვერდით თამაშზე?” - დასძენს რობინიო, რომელიც 2005-2008 წლებში “ბარსელონას” უმთავრესი კონკურენტის, მადრიდის “რეალის” ღირსებას იცავდა (101 მატჩი, 25 გოლი).
|