ლონდონის “ჩელსის” ოფიციალური ვებ-გვერდის ცნობით, ინგლისის ფეხბურთელთა ეროვნული ნაკრების მცველმა ჯონ ტერიმ კლუბთან ახალი 5-წლიანი კონტრაქტი გააფორმა.
კლუბის პრესამსახურის განცხადებით, მხარეები იმედს გამოთქვამენ, რომ 28 წლის ცენტრალური მცველი, რომელსაც “ჩელსიში” დებიუტი 1998 წელს ჰქონდა, “არისტოკრატების” რიგებში კარიერის დასრულებამდე დარჩება. ბრიტანული პრესის ინფორმაციით, ტერი, რომელიც გასულ კვირაში უეფამ 2008-2009 წლების ევროსეზონის საუკეთესო მცველად აღიარა, ახალი კონტრაქტის მიხედვით, ხელფასის სახით კვირაში 160000 გირვანქას მიიღებს, რის შედეგად, ის ინგლისის პრემიერლიგაში ყველაზე მაღალანაზღაურებადი ფეხბურთელი გახდება. 1998 წლიდან მოყოლებული, ტერიმ “ჩელსიში” 274 მატჩი ჩაატარა და 17 გოლი გაიტანა. კარიერის განმავლობაში ინგლისის ეროვნული გუნდის ღირსება მან 54 შეხვედრაში დაიცვა და მეტოქის კარი 6-ჯერ აიღო.
|