ლონდონის “არსენალის” მთავარი მწვრთნელი არსენ ვენგერი, “მანჩესტერ სიტის” თავკაც მარკ ჰიუზის მიერ, ფორვარდ ემანუელ ადებაიორის შესახებ, გაკეთებულმა კომენტარმა აღაშფოთა.
როგორც ცნობილია, პრემიერლიგის ბოლო ტურში, რომელშიც “სიტიმ” “არსენალს” უმასპინძლა (4:2), ადებაიორმა თავისი ყოფილი თანაგუნდელის, რობინ ვან პერსის წინააღმდეგ უხეშად ითამაშა, რისთვისაც შესაძლოა, ინგლისის ფეხბურთის ასოციაციამ დასაჯოს. ჰიუზმა კი განაცხადა, რომ არ უნახავს ის ეპიზოდი, როდესაც ადებაიორმა ვან პერსის თავში ფეხი ჩაარტყა. “სახლში მისულმა ეპიზოდის განმეორება ვნახე. ეს მომენტი სასიამოვნო სანახავი ნამდვილად არ გახლდათ. ჰკითხეთ 100 კაცს და 99 გეტყვით, რომ ეს ძალიან ცუდი საქციელი იყო. მარკ ჰიუზი კი სწორედ ის ერთი მეასედია. ადებაიორის მიერ წესის დარღვევით შოკირებული ვარ თუ არა? დიახ, მივიჩნევ, რომ ის ცუდად მოიქცა. მისგან ამას არ მოველოდი”, - ავრცელებს Sky sports-ი ვენგერის კომენტარს. =
|