მანჩესტერ სიტიმ უკვე ოფიციალურად შეიძინა ტოგოელი თავდამსხმელი ემანუელ ადებაიორი.ფეხბურთელმა 5 წლიანი კონტრაქტი გააფორმა გუნდთან და მესამე დიდი შენაძენი გახდა ინგლისური კლუბისთვის ამ ზაფხულს.თანხას ჯერჯერობით არ ახმაურებენ,თუმცა ცნობილი გახდა,რომ დაახლოებით £25 მილიონია გადახდილი ტოგოელში.

სიტის თავკაცმა მარკ ჰიუგესმა უკვე იყიდა როკე სანტა კრუზი და კარლოს ტევესი.ტოგოელის ყიდვით კი, ფაქტობრივად, სამი ძირითადი თავდამსხმელი ჰყავს გუნდს.

შემდეგი სეზონიდან ადებაიორი სავარაუდოდ 25 ნომრიან მაისურს მოირგებს.25 წლის ფეხბურთელი ამ ტრანსფერით კმაყოფილია და აცხადებს,რომ თავისი მაქსიმუმის გაკეთებას შეეცდება.

შეგახსენებთ,რომ აქამდე იგი არსენალის ღირსებას იცავდა და საკმაოდ კარგადაც გამოიყურებოდა "მეთოფეთა" რიგებში.მან 46 გოლი გაიტანა 104 მატჩში.

ვეღარ ვითმენ, სანამ მოედანზე ქალაქელების მაისურით გავალ, განაცხადა კმაყოფილმა ადებაიორმა. მე დაბადებული ვარ ფეხბურთის თამაშისთვის და ეს სწორედ ისაა რაც მე მჭირდება. მე გადავედი სიტიში, იმიტომ რომ შევქმნა კლუბის ასალი ისტორია. სწორედ ეს უნდათ კლუბის პრეზიდენტსა და მწვრთნელს, ასე რომ მე ძალიან მინდა თამაშის დაწყება.

  ადებაიორის კარიერა დაიწყო ფრანგულ "მეტცში" , შემდეგ ის გადავიდა უფრო ტიტულოვან კლლუბში, "მონაკოში" . სწორედ ამ კლუბში შეამჩნია "არსენალის" მწვრთნელმა არსენ ვენგერმა და იმ დროდან მოყოლებული ტოგოელი მეთოფეების მაისურით თამაშობს.
  ინგლისის პრემიერლიგაში ასპარეზობის დროს, ადებაიორი იყო ერთ-ერთი შედეგიანი ფეხბურთელი, და ჩვენ მოხარულები ვართ რომ ის ახლა მანჩესტერ-სიტიში ითამაშებს. აცხადებს ქალაქელების მწვრთნელი მარკ ჰიგესი.