ლონდონის “არსენალის” კაპიტანი სესკ ფაბრეგასი აცხადებს, რომ მისი გუნდი მომავალ სეზონში მხოლოდ უმაღლესი მიზნების მისაღწევად იბრძოლებს.
“მე-4 ადგილი, რომელსაც ფეხბურთის ზოგიერთი სპეციალისტი “არსენალს” მიაკუთვნებს, ჩვენი ოცნების მწვერვალი ნამდვილად არ არის. სისულელე იქნებოდა ასე რომ ვთვლიდეთ, რადგან საქმისადმი ამგვარი მიდგომით წინ ვერ წავალთ. ყოველთვის მაქსიმუმს ვისახავთ მიზნად და პირველი ადგილის გარდა არაფერზე ვფიქრობთ. დიახ, ბოლო 4 სეზონის განმავლობაში არც ერთი ტიტული მოგვიპოვებია. თუმცა, ვიმეორებ, რომ “არსენალი” იყო და რჩება დიდ კლუბად. უბრალოდ, უნდა გავიგოთ, რომ ნებისმიერი დიდი გუნდის ისტორიაში დგება მძიმე პერიოდები. იმისათვის, რათა ჩემპიონის ტიტული დავიბრუნოთ, უფრო ძლიერები უნდა გავხდეთ, ვიდრე ოდესმე ვყოფილვართ. ჩვენ ყველა - მოთამაშეები, ხელმძღვანელობა, ქომაგები - მომავალს ოპტიმისტურად უნდა ვუყურებდეთ და გუნდის პოტენციალისა გვჯეროდეს. ეჭვი არ მეპარება, რომ მომავალი სეზონი “არსენალის” ისტორიაში განსაკუთრებული იქნება”, - ავრცელებს “მეთოფეთა” ოფიციალური ვებგვერდი ფაბრეგასის კომენტარს.
|