ლონდონის “ჩელსი” მცველ ჯონ ტერის ახალ, გაუმჯობესებულ კონტრაქტს შესთავაზებს. Times-ი იუწყება, რომ “არისტოკრატთა” ხელმძღვანელობამ ინგლისის ეროვნული ნაკრების ფეხბურთელის მხრიდან, კლუბისადმი გამოჩენილი ერთგულება დააფასა და მისთვის ახალი ხელშეკრულების პროექტს ამზადებს. როგორც ცნობილია, ცოტა ხნის წინათ, ტერიმ უკეთესი პირობებით “მანჩესტერ სიტიში” გადასვლაზე უარი განაცხადა. ამ გარემოების გათვალისწინებით, მცველს ახალი ოთხწლიანი შეთანხმების გაფორმებას შესთავაზებენ, რის საფუძველზეც, მისი ფინანსური პირობები გაუმჯობესდება - ფეხბურთელის ანაზღაურება კვირაში 151 ათასი გირვანქამდე გაიზრდება. ჯონ ტერი ლონდონის “ჩელსიში” 1998 წლიდან გამოდის (272 მატჩი, 17 გოლი ინგლისის პრემიერლიგაში). 2000 წელს იგი, იჯარის წესით, “ნოტინგემ ფორესტის” ღირსებას იცავდა (6 მატჩი).
|