”მანჩესტერის” ნახევარმცველმა ანდერსონმა ზეგ გასამართ ინგლისის სუპერთასის შესახებ ისაუბრა, რომელშიც მისი გუნდი ლონდონის ”ჩელსის” დაუპირისპირდება.
”სუპერთასის მოგებას ორი დატვირთვა ექნება, ერთი ის, რომ ამით ”არისტოკრატებს” სეზონის დასაწყისშივე მივაყენებთ დარტყმას და მეორეც, დავრწმუნდებით, რომ რონალდოსა და ტევესის გარეშეც ძველებურ დონეზე შეგვიძლია თამაში. მთელი ზაფხული სერ ალექსი ერთსა და იმავეს გვიმეორებდა, წასული ფეხბურთელები უნდა დავივიწყოთ, ”მანჩესტერი” ისევ ძალიან ძლიერია და განვითარების თავისი გზა აქვს არჩეული”, - მოჰყავს ბრაზილიელის სიტყვები Tribalfootball-ს.
|