"ლივერპულმა" ოფიციალურად განაცხადა, "რომას" ნახევარმცველის - ალბერტო აკილანის შესყიდვის თაობაზე, რომელმაც სამედიცინო შემოწმება გაიარა და კლუბთან 5 წლიანი კონტრაქტი გააფორმა. ამ ტრანსფერით კლუბის მთავარი მწვრთნელი რაფა ბენიტესი ცენტრალური ნახევარმცველის ვაკანსიის დახურვას გეგმავს. იმის გამო, რომ ხაბი ალონსო 30 მილიონად მადრიდის "რეალში" გადაბარგდა, მისი ადგილი ალბერტო აკილანიმ შეავსო და ამით "წითლებისათვის" პრობლემაც მოიხსნა. 25 წლის აკილანის შესაძენად "ლივერპულმა" 20 მილიონი ფუნტი გაიღო. სამწუხაროდ იტალიელი ნახევარმცველი ვერ დაეხმარება თავის ახალ კლუბს შაბათს "ატლეტიკოსთან" მატჩში. საქმე იმაშია, რომ იტალიელს აქვს მცირე ტრავმა, რომლის სრულ მკურნალობას დაახლოებით 4-დან 8 კვირამდე ესაჭიროება. ამ ზაფხულს მან უკვე ერთი ოპერაცია გაიკეთა და ამიერიდან მის ჯანმრთელობაზე უკვე "ლივერპულის" მედ-პერსონალი იზრუნებს. "ენფილდზე" აკილანის ხელფასი კვირაში 80 ათასი ფუნტი იქნება. მთელი თავისი კარიერის განმავლობაში აკილანი ერთადერთ კლუბ - "რომაში" თამაშობდა. იტალიის ნაკრებში ალბერტოს დებიუტი ახლანდელი ინგლისის მთავარი მწვრთნელის ფაბიო კაპელოს დროს შედგა.