"პორტსმუტის" მთავარი მწვრთნელის პოლ ჰარტის განცხადებით, გუნდი აქტიურ მოლაპარაკებებს აწარმოებს მარკ ვიდუკასთან, რათა მისი ტრანსფერი მოხდეს "ფრატონ პარკზე". გავიხსენოთ, რომ 33 წლის ფეხბურთელმა დატოვა "ნიუკასლი" ამ ზაფხულს, მას შემდეგ, რაც მისი კლუბი პრემიერ ლიგიდან გამოვარდა და ქვედა დივიზიონს მიაშურა. ამ დროიდან ვიდუკა თავისუფალი აგენტის სტატუსით სარგებლობს. როგორც "პორტსმუტის" მესვეურები იუწყებიან, მათ უკვე მიაღწიეს შეთანხმებას ავსტრალიელ ფეხბურთელთან და მალე ის კლუბთან 2 წლიან კონტრაქტს გააფორმებს.
"ჩვენ ვგეგმავთ რამდენიმე ფეხბურთელის შესყიდვას უახლოეს დღეებში" - აცხადებს პოლ ჰარტი The News-თან ინტერვიუში.
"მარკი ამჯერად დასასვენებლადაა. მე არ ვიცი როდის დაიწყებს ის ჩვენთან მუშაობას, მაგრამ ვიცი რომ ჩვენ არ მოგვიწევს ლოდინი ნოემბრამდე. ჩვენ მას შევთავაზეთ ძალიან კარგი წინადადება და ის მან მიიღო, ახლა მხოლოდ ისღა დაგვრჩენია მოვიცადოთ იქამდე, სანამ მისი ნახვა მოგვიწევს" - აცხადებს ჰარტი.
აქვე გავიხსენოთ, რომ მარკ ვიდუკა ბოლო 9 წელია რაც პრემიერ ლიგაში გამოდის. ის თამაშობდა "ლიდსში", "მიდლსბროში" და "ნიუკასლში".
|