ფორვარდი მარკ ვიდუკა მომავალ სეზონში ინგლისური “პორტსმუთის” ღირსებას დაიცავს.
goal-ი იუწყება, რომ 33 წლის ფეხბურთელი გასული სეზონის ბოლოს თავისუფალი აგენტი გახდა და შესაბამისად, “პორტსმუთთან” ხელშეკრულება მან ტრანსფერის განხორციელების გარეშე გააფორმა.
“მარკი შვებულებაშია და თავად ზრუნავს ფორმის შენარჩუნებაზე, ამიტომ მის ფიზიკურ მდგომარეობაზე არ ვისაუბრებ. მოხარული ვარ, რომ კლუბი გაძლიერდება ასეთი სახელოვანი თავდამსხმელით, რომელსაც ჩვენი ახალგაზრდა მოთამაშეებისთვის საკუთარი გამოცდილების გაზიარება შეუძლია”, - აცხადებს “პორტსმუთის” მთავარი მწვრთნელი პოლ ჰარტი.
2007-2009 წლებში, 33 წლის ავსტრალიელი თავდამსხმელი “ნიუკასლის” ღირსებას იცავდა (38 მატჩი, 7 გოლი ინგლისის პირველობაში).