როგორც The Guardian იუწყება, "სიტის" მთავარი მწვრთნელი მარკ ჰიუზი აქტიურად ეძებს რიჩარდ დანის შემცვლელს და ამიტომ მან თავის გუნდში "ვესტ ჰემიდან" მეთიუ აპსონის გადაბირება გადაწყვიტა. რამდენიმე კვირის წინ "ქალაქელთა" მთავარი სამიზნე "ევერტონის" მცველი ჯოლეონ ლესკოტი იყო, თუმცა "ევერტონთან" მოლაპარაკება არ შედგა და ინგლისელი "გუდისონ პარკზე" დარჩა. 

ახლა მარკ ჰიუზი უქმად არ ჩერდება და ამჯერად მისი მთავარი სამიზნე ინგლისელი მცველი - მეთიუ აპსონი გახდა. სათადარიგო ვარიანტად ასევე სილვენ დისტენიც განიხილება "პორტსმუთიდან". ამ ზაფხულს "ქალაქელებმა" 94 მილიონი ფუნტი დახარჯეს და გასაკვირი არ იქნება, რომ ამ დანახარჯს კიდევ რამდენიმე მილიონი მიემატოს აპსონის შესყიდვით. გავრცელებული ხმების მიხედვით, ჰიუზი აპსონს გუნდის კაპიტნის რიჩარდ დანის შემცვლელად თვლის, რომელიც გარდა იმისა რომ კაპიტანია, 4-ჯერ დასახელდა კლუბის საუკეთესო ფეხბურთელად.