ინგლისის ნაკრების მთავარმა მწვრთნელმა ფაბიო კაპელომ გადაწყვეტილება მიიღო და ტრავმირებული სტივენ ჯერარდის ნაცვლად ხვალ "ასტონ ვილას" ახალგაზრდა გარემარბი - ეშლი იანგი ითამაშებს. "ლივერპულის" კაპიტანმა ერთ-ერთი ვარჯიშის დროს საზარდულის ტრამვა მიიღო. ეს ტრამვა ხელს არ შეუშლის ჯერარდს, რომ ამსტერდამში გაფრინდეს და საკუთარი გუნდის თამაშს ტრიბუნებიდან უყუროს. ინგლისელების დამრიგებელს ბევრი ფიქრი არ დასჭირვებია იმის შესახებ, თუ ვინ შესცვლიდა ჯერარდს. იტალიელმა სპეციალისტმა გადაჭრით თქვა, რომ ჯერარდის ადგილს 24 წლის ფეხბურთელი ეშლი იანგი დაიკავებს. ამ შემთხვევაში ბირმინგემელისთვის ეს იქნება მეექვსე მატჩი, რომელსაც ის გამართავს ეროვნული ნაკრების შემადგენლობაში. ეშლი იანგმა ჯერარდი ასევე მსოფლიო ჩემპიონატის საკვალიფიკაციო მატჩებში შეცვალა, როდესაც ინგლისი ანდორას დაუპირისპირდა. ახლა უინგერი მატჩის პირველივე წუთებიდან გამოჩნდება მოედანზე და მოედნის ცენტრალურ ნაწილში ისეთი პროფესიონალების გვერდზე ითამაშებს, როგორებიც დევიდ ბექჰემი, გარეთ ბერი და ფრენკ ლემპარდი არიან.