"ფულემის" ამერიკელმა ნახევარმცველმა კლინტ დემპსიმ კლუბთან ახალი 4-წლიანი კონტრაქტი გააფორმა, რომელიც მას კლუბთან 2013 წლამდე დააკავშირებს. ეს სეზონი დემპსისთვის საკმაოდ წარმატებული გამოდგა. ამერიკელმა ნახევარმცველმა "დამსვენებელთა" შემადგენლობაში 35 მატჩი ჩაატარა, სადაც 7 გოლი გაიტანა. გასულ წელს დემპსიმ ახალ შეთანხმებას მოაწერა ხელი, რომელიც 2010 წლამდე "ფულემში" თამაშის საშუალებას აძლევდა, წელს კი მან დამატებიტ 4-წლიანი კონტრაქტი გააფორმა. ამ ნაბიჯით კლუბის ხელმძღვანელობამ "ფულემი" ნახევარმცველის დაკარგვას გადაარჩინა, რადგან დემპსით დიდი კლუბები იყვნენ დაინტერესებულნი. დემპსი "ფულემის" შემადგენლობაში 2007 წლის იანვრიდან ირიცხება. ეს ტრანსფერი ლონდონურ კლუბს 4 მილიონი დოლარი დაუჯდა და დღესდღეობით ამერიკული ლიგის ისტორიაში დემპსი ყველაზე დიდ განაყიდად ითვლება. თავის პირველ სეზონში ამერიკელმა ძალიან ლამაზი გოლი გაუტანა "ლივერპულს", რომელმაც გუნდი პრემიერ ლიგიდან გავარდნას გადაარჩინა. ნუ ვიდავებთ კონფედერაციის თასზე, სადაც ამერიკის ეოვნულმა ნაკრებმა ტურნირის ფინალამდე მიაღწია, ხოლო დემპსიმ თავის ანგარიშზე 3 გოლი ჩაიწერა, რომელიც ეგვიპტეს, ესპანეთს და ბრაზილიას გაუტანა.