ლონდონის “ჩელსის” ფორვარდი დიდიე დროგბა მიიჩნევს, რომ მომავალ სეზონში ტიტულების დაუფლება კიდევ უფრო გართულდება.
“ის ფაქტი, რომ “ჩელსის” შემადგენლობა ბევრად არ შეცვლილა, ჩვენს სასარგებლოდ მეტყველებს. ეს მომავალ სეზონში ჩვენს მთავარ ძალად შეიძლება იქცეს. პრემიერლიგა ყოველწლიურად სულ უფრო ძლიერდება. ეჭვგარეშეა, რომ ახალი სეზონი კიდევ უფრო მეტი სირთულის წინაშე დაგვაყენებს. ამჟამად არის 5 ან 6 გუნდი, რომლებსაც ტიტულისთვის ბრძოლა შეუძლიათ. რა თქმა უნდა, “მანჩესტერ სიტის” დიდი შესძლებლობა აქვს. ვფიქრობ, ამ კლუბს კიდევ ესაჭიროება დრო, რათა თანაბარ დონეზე ეპაექროს პრემიერლიგის 4 ტოპ-გუნდს. მაგრამ მანჩესტერელები თავისას მიაღწევენ. ჩვენ არც “ასტონ ვილაზე” და “ტოტენჰემზე” ვივიწყებთ. დიდი ოთხეულის შესახებ საუბარი აღარ ღირს. ამჯამად სახეზეა დიდი ხუთეული ან ექვსეული. ბოლო სამი სეზონის განმავლობაში “მანჩესტერ იუნაიტედი” დამსახურებულად იგებდა ჩემპიონატს. საკმარისია! ძალისხმევას არ დავიშურებთ, რათა სიტუაცია შევცვალოთ. პირადად მე, “ჩელსიში” თავს ჩინებულად ვგრძნობ და ამ კლუბთან ერთად ბევრი ტიტულის დაუფლება მსურს. თუმცა ჩემი პრიორიტეტი - ჩემპიონთა ლიგაა. დარწმუნებული ვარ, ამ ტურნირის მოგებას შევძლებთ”, - ამბობს კოტ დ’ივუარელი ფორვარდი Sky Sports-ისთვის მიცემულ ინტერვიუში.