|
ჰოლანდიის ფეხბურთელთა ეროვნული გუნდის ნახევარმცველს, რაფაელ ვან დერ ვაარტს, მადრიდის “რეალიდან” წასვლის შემთხევაში, კარიერის გაგრძელება ინგლისის პრემიერლიგაში სურს.
“ინგლისში თამაში ნამდვილად მინდა. ბევრი შემოთავაზება მივიღე სხვადასხვა ქვეყნის, მათ შორის, გერმანიის, ესპანეთისა და იტალიის კლუბებიდან. თუმცა, ინგლისის პრემიერლიგაში გამოსვლა მსურს და ისიც ვიცი, რომელ გუნდს ვანიჭებ უპირატესობას” - განაცხადა ვან დერ ვაარტმა ინტერნეტ-გამოცემა FourFourTwo-სთან საუბარში.
26 წლის ვან დერ ვაარტი მადრიდის “რეალში” 2008 წლის ზაფხულში გერმანიის “ჰამბურგიდან” გადავიდა და ესპანეთის პრიმერა დივიზიონში ჩატარებულ 32 შეხვედრაში 5 გოლი გაიტანა.
2001 წლიდან მოყოლებული დღემდე, მან ჰოლანდიის ნაკრებში 69 შეხვედრა ითამაშა და მეტოქის კარი 15-ჯერ აიღო.
|
სიახლის დამატება
ჩემი პროფილი
