ონდონის “ჩელსის” ვიცე-კაპიტანი, ფრენკ ლამპარდი პრემიერლიგის სასტარტო შეხვედრებში თავისი გუნდის ასპარეზობით კმაყოფილია.
როგორც ცნობილია, პირველ ორ შეხვედრაში “არისტოკრატებმა” “ჰალი” და “სანდერლენდი” დაამარცხეს. ანალოგიური წარმატებით “ჩელსიმ” ასპარეზობა გასულ სეზონშიც დაიწყო, თუმცა, პირველობის შუა პერიოდში გუნდი
არადამაჯერებლად ათამაშდა, რის გამოც, მთავარი მწვრთნელის პოსტიდან ბრაზილიელი ლუიშ ფელიპე სკოლარი გადააყენეს. ლამპარდი მიიჩნევს, რომ მის გუნდს წინ რთული გზა აქვს გასავლელი, თუმცა, მისი მოსაზრებით, “ჩელსი” მაისში ჩემპიონობის პრეტენდენტთა შორის იქნება.
“ჰალთან” და “სანდერლენდთან” არცთუ იოლი მატჩები ჩავატარეთ, წინ კიდევ გრძელი გზა გვაქვს გასავლელი. ეს, უბრალოდ, კარგი სტარტია. რა თქმა უნდა, უკვე რაღაცით ვამაყობთ. თუ წარმატებულად დაწყებულ ასპარეზობას გავაგრძელებთ და შარშანდელის მსგავსად, სეზონის მსვლელობისას ჩავარდნა აღარ გვექნება, საბოლოო გამარჯვების კარგი შანსი მოგვეცემა”, - ავრცელებს ლამპარდის კომენტარს “ჩელსის” ოფიციალური ვებგვერდი.