ლონდონური “ჩელსის” ერთერთმა ლიდერმა, ფრენკ ლამპარდმა ისაუბრა კრიშტიანუ რონალდუზე და “მანჩესტერ იუნაიტედში” შექმნილ სიტუაციაზე.

“წითელმა ეშმაკებმა” წელს რონალდუ მიყიდეს მადრიდის “რეალს” 80 მილიონ ფუნტად, რამაც ფრენკ ლამპარდის აზრით დიდი სარგებელი მოუტანა არა მხოლოდ “გალაქტიკოსს” არამედ, “არისტოკრატებსაც” კი.

ლამპარდი აღნიშნავს, რომ არავის უნდა გაუკვირდეს თუ “მანჩესტერი” სამჯერ ზედიზედ “პრემიერ ლიგის” გამარჯვების შემდეგ დარჩება ტიტულის გარეშე.

“ლურჯების” ნახევარმცველი ამბობს:”არამგონია რონალდუს შეცვლა შესაძლებელი იყოს. ფერგიუსონს აქვს ამისი დიდი სურვილი თუმცა ეს პრაკტიკულად შეუძლებელია. ერთადერთი რაც “წითლებს” შეუძლიათ ეს გუნდის გაძლიერებაა, რონალდუს ისინი ვერ შეცვლიან. ნახეთ მისი შედეგები და შეადარეთ ნებისმიერი სხვა ფეხბურთელისას. რონალდუ ძალიან დაეხმარა “მანჩესტერს” და ახლა ძალიან დაეხმარება “რეალს”. თუმცა ის ერთი რაღაცით უკვე ჩვენც დაგვეხმარა, მისი ტრანსფერით “ჩელსის” ერთი-ორად გაუადვილდება “პრემეირ ლიგის” მოგება.”

“ერთდაერთი ფეხბურთელი, რომელსაც რონალდუს შეცვლა შეუძლია არის ლიონელ მესი. მაგრამ “ბარსელონას”, “მანჩესტერისგან” განსხვავებით აქვს დიდი პლიუსი - ისინი არ ყიდიან თავის დიდ ფეხბურთელებს”.

“მადრიდელები ძალიან ჭკვიანურად მოიქცნენ, რომ რონალდუ შეიძინეს. წელს “რეალის” დამარცხება ფაქტიურად შეუძლებელი იქნება. თუმცა აი “მანჩესტერისა” კი რა გითხრათ. გადახედეთ “პრემიერ ლიგის” პირველ ორ მატჩს. ძალიან რთული გამარჯვება მოპოვებული “ბირმინგემთან” და წაგება “ბარნლისთან”. რონალდუსთან ერთად მე მჯერა, რომ “წითელი ეშმაკები” ორივეს მოუგებდნენ, თან ძალიან დამაჯერებლად.”

“ჩვენ ახლა ვლიდერობთ “პრემიერ ლიგაში”. უკვე გვაქვს 3 ქულიანი ჰანდიკაპი “ლივერპულის” და “მანჩესტერისგან”. “რეალს” და რონალდუს კი წარმატებებს ვუსურვებ, ისინი წელს მხოლოდ გამარჯვების ღირსები არიან.”