ინგლისურ პრესაში გავრცელებული ინფორმაციის თანახმად მადრიდის რეალელი არიენ რობენით მანჩესტერ იუნაიტედი და მათი თანაქალაქელი სიტი ინტერესდებიან. მოგეხსენებათ, რომ მიმდინარე სატრანსფერო ფანჯრის გახსნისას ჰოლანდიელი გასაყიდ ფეხბურთელებს შორის ფიგურირებდა. რობენი რეალის პრეზიდენტსა (ფლორენტინო პერესი) და გენერალურ დირექტორს (ხორხე ვალდანო) შორის უთანხმოების მიზეზიც გამხდარა, რამდენათაც პერესს მისი გაყიდვა სურს, ვალდანოს კი - დატოვება. მიმდინარე წინასასეზონო პერიოდში რობენი ერთ-ერთი საუკეთესოა მადრიდის რეალის რიგებში. ჰოლანდიელი ფეხბურთელი აქტიური თამაშითა და ეფექტური გოლებით გამოირჩევა, რითაც მადრიდელთა მთავარი მწვრთნელის მოწონებაც დაუმსახურებია.