დღეს პრემიერ ლიგის მორიგი ტურის შეხვედრაში მანჩესტერ იუნაიტედი უიგანს ესტუმრა. თამაშის პირველი ტაიმი გატანილი ბურთების გარეშე დასრულდა და ერთი შეხედვით ეს არ გავდა თამაშს, სადაც ხუთი ბურთი გავიდოდა და რაც მთავარია ხუთივე ერთ კარში. მეორე ტაიმის დასაწყისი იუნაიტედის ფეხბურთელებმა აქტიურად დაიწყეს, მოედნის ცენტრში პრესინგის წყალობით ბურთის მეტოქისთვის წართმევა და რამოდენიმე სახიფათო შეტევის წამოწყება შეძლეს, სადაც ერთ-ერთი რუნის თაური დარტყმით და ლოგიკური გოლით დასრულდა. გატანილი ბურთის შემდეგ გუნდები თანაბრად უტევდნენ, თუმცა იმ განსხვავებით, რომ მანჩესტერის ყველა შეტევა ლამაზი ბურთით მთავრდებოდა, ჯერ იყო და 59 წუთზე ბერბატოვმა მეკარეს ბურთი თავზე გადაუგდო და კარში შეაგდო, შემდეგ რუნიმ რიკოშეტის წყალობით დუბლის შესრულება შეძლო და თამაშს წერტილი დაუსვა 0:3. თუმცა მოედანზე მალე მაიკლ ოუენი შემოვიდა, რომლისგანაც ყველა გოლს ელოდა და ასეც მოხდა, 85 წუთზე ნანის შესანიშნავი გადაცემის წყალობით ოუენმა პრემიერ ლიგაში თავისი პირველი გოლი გაიტანა მანჩესტერის მაისურით. თამაშის ბოლოს კი, 91 წუთზე ნანიმ საბოლოო ანგარიში საჯარიმო დარტყმით დააფიქსირა 0:5.